सत्तारुढ दल नेपाली कांग्रेस केन्द्रीय कार्यसमितिको बैठक भोली शुक्रबार बस्ने भएको छ । पार्टी सभापति तथा प्रधानमन्त्री शेरबहादुर देउवाले शुक्रबारका लागि केन्द्रीय कार्यसमितिको बैठक बोलाएका हुन् ।
शुक्रबार दिउँसो २ बजेपछि भर्चुअल माध्यमबाट बैठक हुनेछ । बैठकमा स्थानीय तह निर्वाचनबारे छलफल हुनेछ । स्थानीय तहको निर्वाचनको मिति नतोकेको विषयमा कांग्रेस भित्रैबाट सरकारको आलोचना भइरहेको छ ।
सरकार कानुन संशोधन गरेर स्थानीय तह निर्वाचन धकेल्न अग्रसर भएको देखिएपछि देउवा इतर पक्षले त्यसको विरोध गरिरहेको छ । सरकारले हालै कानुनविद्सँग निर्वाचनबारे सुझाव मागेको थियो । कानुनविद्हरूले ऐन संशोधन गर्न सुझाव दिएका थिए ।
प्रतिक्रिया दिनुहोस्
