बेलायत बसोबास गर्दै आएका भुतपूर्व बृटिस गोर्खा सैनिक सार्जन कृष्ण तुलाचन राष्ट्रिय प्रजातन्त्र पार्टी (राप्रपा)मा प्रवेश गरेका छन् । राप्रपा आम नागरिकको मन मस्तिष्क बस्न सफल भएको भन्दै तुलाचन पार्टी प्रवेश गरेका हुन् ।
तुलाचनले पार्टी प्रवेशसँगै आफैले परिकल्पना गरेको हलो चिन्ह र ॐ लेखेको खादा बनाइ नमुना हस्तान्तरण गर्दै एक लाख पिस खादा उपलब्ध गराउने प्रण गरेका छन् ।
त्यसैगरी राप्रपामा आस्था राख्दै भक्तपुर निवासी रघुलाल अग्रवाल पनि पार्टी प्रवेश गरेका छन् । उनले पार्टीलाई सहयोग स्वरुप १ लाख १० हजार रुपैयाँ उपलब्ध गराएका छन् ।
त्यसैगरी विभिन्न क्षेत्रमा आवद्ध व्यक्तिहरु आज पार्टी प्रवेश गर्दै सदस्यता लिएको राप्रपाको सचिवालयले जनाएको छ ।
प्रतिक्रिया दिनुहोस्
