काठमाडौँ । सत्तारुढ गठबन्धनको सिट संख्या बाँडफाँटका लागि बनेको कार्यदलको संयोजकमा नेपाली कांग्रेसका कृष्ण सिटौला चयन भएका छन्।
सोमबार काठमाडौँमा बसेको ११ सदस्य भएको कार्यदलले सिटौलालाई संयोजक चयन गरेको हो ।
बैठकमा स्थानीय चुनावमा जस्तो गठबन्धन नगरेर यसपाली सबैतिर एकैसाथ गठबन्धन अनुसार जाने विषयमा छलफल भएको छ ।
एमालेलाई हराउन गठबन्धनले कुनै पनि कसुर बाँकी नराख्ने तरिकाले रफ्तारमा जाने संकेत गरेको छ ।
तर गठबन्धनमा माओवादी र नेकपा एसले बढी सिट खोजेका कारण सहमति हुन गाह्रो पर्ने सम्भावना देखिन्छ ।
प्रतिक्रिया दिनुहोस्
