काठमाडौं । ललिता निवास प्रकरणमा काठमाडौं जिल्ला अदालतले भाटभटेनी सुपरमार्केटका सञ्चालक मीनबहादुर गुरुङलाई धरौटीमा छाड्न आदेश दिएको छ । आइतबार न्यायाधीश भोलानाथ ढकालको इजलाशले उक्त प्रकरणमा मुछिएका सञ्चालक गुरुङसहित सबैलाई धरौटीमा छाड्न आदेश दिएको हो ।
अदालतले गुरुङसँग दुई करोड ४६ लाख रुपैयाँ धरौटी माग गरेको छ ।
प्रहरीको केन्द्रीय अनुसन्धान ब्यूरो (सीआईबी)ले ललिता निवास प्रकरणमा गुरुङलाई मुख्य योजनाकारको रुपमा किटान गरेको थियो । सरकारी वकिल कार्यालयले भने उनीविरुद्ध सरकारी कागजात किर्ते गरेको अभियोग मात्रै चलाएको थियो । जुन अभियोग उनीसँगै सबै आरोपितमाथि लगाइएको थियो ।
गुरुङविरुद्ध यसअघि विशेष अदालतमा पनि सोही विषयलाई लिएर मुद्दा परेको थियो । विशेष अदालतले पनि उनीसँग दुई करोड धरौटी माग गरेकाे थियाे ।
सम्बन्धित समाचार
प्रतिक्रिया दिनुहोस्
