काठमाडौं। प्रतिनिधिसभाको बैठक सरेको छ।
पूर्वसभामुख तथा प्रतिनिधिसभा सदस्य सुवासचन्द्र नेम्वाङको निधनका कारण प्रतिनिधिसभा बैठक २८ भदौ दिउँसो ३ बजेका लागि सारिएको हो।
यसअघि प्रतिनिधिसभा बैठक २७ भदौ दिउँसो १ बजे बस्ने तय भएको थियो।
‘प्रतिनिधिसभा सदस्य नेम्वाङको निधनका कारण २७ भदौ दिनको १ बजे बैठक बस्ने गरी तय भएको प्रतिनिधिसभाको बैठक उक्त मिति र समयमा बस्न नसक्ने भएकाले प्रतिनिधिसभा नियमावली २०७९ को नियम ६ को उपनियम ३ बमोजिम सम्माननीय सभामुखज्यूले शोक प्रस्तावको प्रयोजनका लागि सभाको बैठक भदौ २८ गते दिनको ३ बजे बस्ने गरी निर्धारण गर्नुभएको छ,’ संघीय संसदका महासचिव डा. भरतराज गौतमले जारी गरेको सूचनामा भनिएको छ ।
पूर्वसभामुख तथा एमाले उपाध्यक्ष नेम्वाङको हृदयघातका कारण गएराति त्रिवि शिक्षण अस्पतालमा निधन भएको थियो । उनको बिहीबार अन्तिम संस्कार गरिने छ ।
