काठमाडाैं । नेकपा (माओवादी केन्द्र)ले आफ्नो नयाँ वेबसाइट सञ्चालनमा ल्याएकाे छ । पार्टी केन्द्रीय कार्यालय पेरिसडाँडामा साेमबार एक कार्यक्रमका बीच प्रधानमन्त्री एवम् पार्टी अध्यक्ष पुष्पकमल दाहाल ‘प्रचण्ड’ले पार्टीको वेबसाइट उद्घाटन गरेका हुन् ।
माओवादीको प्रचार विभागले वेबसाइट निर्माणकाे लागि लामाे समयदेखि गृहकार्य गरिरहेकाे थियाे । पार्टीका सूचना र गतिविधि सम्प्रेषणका लागि वेबसाइट सञ्चालनमा ल्याइएको प्रवक्ता अग्नि सापकोटाले जानकारी दिए ।
वेबसाइट न्युज पोर्टलको शैलीमा बनाइएको निर्माण टिमका प्राविधिकहरूले बताएका छन् ।
साेमबार लन्च गरिएकाे वेबसाइट विस्तारै अपग्रेड गर्दै लैजाने बताइएकाे छ ।
‘सीपीएन एमसी डट ओआरजी’मा लगइन गरी वेबसाइट हेर्न सकिन्छ ।
प्रतिक्रिया दिनुहोस्
