काठमाडौं । सत्तारूढ नेकपा (एकीकृत समाजवादी)को सचिवालय बैठक आज बस्दैछ । पार्टी उपाध्यक्ष राजेन्द्र पाण्डेका अनुसार बैठक बिहान साढे ११ बजे बोलाइएको छ ।
यसअघि मंसिर २८ र २९ का लागि तय भएको बैठक स्थगित भएको थियो ।
पाण्डेले जनाएअनुसार सोमबारको सचिवालय बैठकमा समितिले तयार पारेको विधान मस्यौदामाथि छलफल र केन्द्रीय परिषद् बैठकको प्रस्ताव तयार पार्ने कार्यसूची छ ।
बैठकमा राष्ट्रियसभाको आसन्न निर्वाचनमा पार्टीका तर्फबाट उम्मेदवार बनाउने मापदण्ड तय गर्ने, देशभरको सांगठनिक अवस्था, जनवर्गीय संगठनको कार्य प्रगतिको समीक्षा गरिने उनले बताए ।
साथै, बैठकले पछिल्लाे राजनीतिक अवस्थाबारे पनि धारणा स्पष्ट पार्नेछ ।
प्रतिक्रिया दिनुहोस्
