आज मिति २०८० साल पुष ८ गते आइतबार । तदनुसार डिसेम्बर २४ तारिख २०२३ मार्ग शुक्ल पक्ष त्रयोदशी तिथि । आज बिहान ६ बजेर ५१ मिनेट जाँदा झुल्किएको घाम साँझ ५ बजेर १४ मिनेटमा अस्ताउने छ ।
मेष
मिहिनेतको राम्रो परिणाम प्राप्त हुनेछ । श्रमको उचित मूल्यांकन हुनेछ । प्रयत्न गर्दा छोटो समयमै काम बनाउन सकिने छ । नयाँ कामतर्फ अग्रसर भइने छ । आम्दानी बढ्नाले दैनिकीमा पनि परिवर्तन आउने छ ।
वृष
राम्रो कर्मफल प्राप्त हुनाले मन प्रसन्न रहने छ । मिहिनेत गर्दा जीवनशैलीमा परिवर्तन आउने छ । लगनशीलताले कीर्तिमानी दिलाउन सक्छ । सामाजिक क्षेत्रमा नेतृत्व हातलागी हुने सम्भावना छ ।
मिथुन
मिहिनेत परे पनि भाग्यले राम्रै अवसर दिलाउने छ । चुनौतीहरू स्वतः हट्नेछन् भने अवसर तथा सफलताले पछ्याउने छन् । टाढिएका मित्रगण नजिकिनाले प्रसन्नता मिल्ने छ ।
कर्कट
समयमै समस्याप्रति गम्भीर नबन्दा दुस्ख पाइने छ । कामको चाप बढ्ने छ भने शरीरमा कमजोरी तथा आलस्य अनुभूति हुनेछ । सामान्य काममा धेरै धन र परिश्रम खर्चनु पर्ला ।
सिंह
काममा साथी भाइको सहयोग जुट्ने छ । धन तथा ज्ञानको भण्डार बढ्ने छ भने जीवन शैली आनन्दमय रहने छ । अतिथिको रूपमा सत्कार पाइएला । आम्दानी बढाउने काम सुरु गर्न सकिने छ ।
कन्या
रोकिएका काम बन्नाले नयाँ कामतर्फ अग्रसर भइने छ । मिहिनेतले राम्रै प्रतिफल दिलाउने छ । प्रयत्न गर्दा दिगो फाइदा हुने काम हातलागी हुनेछ । चुनौती चिर्दै काम बनाउन सकिने छ ।
तुला
शुभचिन्तकले साथ दिने छन् । लगनशीलताले राम्रै उपलब्धि दिलाउने छ । पढाइलेखाइमा प्रगति हुनेछ । सेवामूलक कामबाट धनलाभ हुनेछ । प्रतिभा प्रदर्शन गर्दै बौद्धिक प्रतिस्पर्धामा विजयी भइने छ ।
वृश्चिक
परिस्थिति सोचेजस्तो अनुकूल नहुन सक्छ । नजिकका साथीभाइसँग असमझदारी बढ्ने छ भने काम बिग्रने डरले सताउन सक्छ । समयमा सजग नबन्दा शुभचिन्तकहरू समेत टाढिन सक्छन् ।
धनु
प्रयत्न गर्दा राम्रै अवसर जुट्ने छ । काममा मिहिनेतको फल प्राप्त हुनेछ । साथीभाइले राम्रै सहयोग जुटाउने छन् । रचनात्मक काममा जुट्ने समय छ । रोकिएका काम पुनः सुरु हुन सक्छन् ।
मकर
अध्ययनमा प्रगति हुनेछ भने ज्ञानलाई निखार्ने अवसर प्राप्त हुनेछ । सुखद् समाचारले उत्साह जगाउने छ । आम्दानीका स्रोत बढ्नुका साथै दिगो काममा सम्झौता गर्ने समय छ । नयाँ काम प्रारम्भ हुनेछ ।
कुम्भ
रमाइलो जमघटका बीच स्वादिष्ट भोजनको आनन्द प्राप्त हुनेछ । पहिलेको सफलताले थप हौसला जगाउने छ । नयाँ कामको प्रस्ताव आउनेछ भने सहयोगीहरू प्रशस्तै भेटिने छन् ।
मीन
भैपरी आउने खर्चले चिन्ता बढाउन सक्छ । समय दिन नसक्दा बन्न लागेको कामसमेत बिग्रन सक्छ । व्यवसायमा लगानी बढाउनु पर्ला । तत्काल फाइदा लिँदा भविष्यमा नोक्सान हुने देखिन्छ ।
