आज मिति २०८० साल माघ ४ गते बिहीबार । तदनुसार जनवरी १८ तारिख २०२४ । पुष शुक्ल पक्ष अष्टमी तिथि । बिहान ६ बजेर ५५ मिनेट जाँदा झुल्किएको घाम साँझ ५ बजेर ३२ मिनेटमा अस्ताउने छ ।
मेष
उधारोमा व्यापार गर्नुपर्ला । पछिका लागि केही वस्तु त्याग्नु पर्ने देखिन्छ । आफ्नो प्रतिफल अरूलाई सुम्पनु पर्ने स्थिति आउन सक्छ । खर्च लागे पनि दिगो काम फेला पर्नेछ ।
वृष
भएको आम्दानी र सञ्चित रकम समेत खर्चनु पर्ला । आवश्यक पर्दा सरसापट वा कर्जामार्फत धन जुट्ने छ । दिगो फाइदा हुने जिम्मेवारी भने प्राप्त हुनेछ ।
मिथुन
आफ्नो क्षेत्रमा प्रभुत्व जमाउन सकिने छ । मान–सम्मान प्राप्त होला । मिहिनेतले नाम, दाम र इनाम दिलाउन सक्छ । प्रतिष्ठित काम गरेर धेरैको मन जित्न सकिने छ ।
कर्कट
सामान्य कामलाई निकै मिहिनेत पर्नेछ । अवसरका लागि विवादास्पद जिम्मेवारी वहन गर्नुपर्ला । पछिका लागि सम्भावना देखिए पनि तत्काल फाइदा उठाउन नसकिएला ।
सिंह
स्वास्थ्यका लागि व्यायाम तथा आहारविहारमा ध्यान पुर्याउनु होला । गोपनीयता बाहिरिनाले समस्या पर्न सक्छ । आफ्नो वस्तुमा अरूले दाबी गर्लान् । बनिसकेको काम दोहोर्याउनुपर्ने हुन सक्छ ।
कन्या
परिवारजनको साथले उत्साह जगाउने छ । अप्ठ्यारा परिस्थितिलाई समेत सहज बनाउन सकिने छ । व्यवसायमा आम्दानी बढ्ने छ । भौतिक साधन जुटाउने समय छ ।
तुला
प्रयत्न गर्दा सजिलै लक्ष्य प्राप्त हुनेछ । मिहिनेतले प्रतिस्पर्धाको दौड जिताउन सक्छ । भौतिक साधन जुट्ने छन् र दिगो फाइदा हुने काम सुरु हुन सक्छ ।
वृश्चिक
आफ्ना विषयवस्तुमा अरूले दाबी गर्लान् । स्वास्थ्यका लागि खानपानमा सजग रहनु होला । गुरुजनको सुझाव र सन्तानको सहयोग लाभदायी बन्ने छ । पढाइलेखाइमा त्यति समय दिन नसकिएला ।
धनु
अरूको भरले मात्र काम नबन्न सक्छ । अन्योलमा मान्यजनको सुझाव शिरोधार्य गर्दा सामान्य लाभ हुनेछ । रोकिएका काम दोहोर्याउनु पर्ला । आफ्नो प्रतिफलबाट अरूले फाइदा उठाउन सक्छन् ।
मकर
प्रतिद्वन्द्वीहरूलाई सजिलै हराउन सकिने छ । गरिएका कर्मको उचित प्रतिफल पाइने छ । महत्त्वाकांक्षी योजना पनि बिस्तारै फलदायी हुने छन् । मिहिनेतले नाम, दाम र इनाम दिलाउन सक्छ ।
कुम्भ
बोलीको प्रभावले आर्थिक क्रियाकलापमा समेत फाइदा हुनेछ । तर समयमा होस नपुर्याउनाले लाभांश अरूका हातमा जान सक्छ । तापनि नयाँ काम प्रारम्भ हुनेछ ।
मीन
पहिलेका कमजोरी सुधार्दै जीवनशैलीमा परिवर्तन ल्याउन सकिने छ । सुन्दर पहिरनका साथ व्यक्तित्व निखार्ने अवसर प्राप्त हुनेछ । तर भेटघाटमा अलमलिनाले काममा बाधा पुग्नेछ ।
