आज मिति २०८० साल माघ ७ गते आइतबार । तदनुसार जनवरी २१ तारिख २०२४ । आज पुष शुक्ल पक्ष एकादशी तिथि । बिहान ६ बजेर ५४ मिनेट जाँदा झुल्किएको घाम साँझ ५ बजेर ३५ मिनेटमा अस्ताउने छ ।
मेष
पहिलेको सफलताले हौसला जगाउने छ । नयाँ कामको प्रस्ताव आउनेछ भने सहयोगीहरू प्रशस्तै भेटिने छन् । बिछोडिएका परिवारजनसँग भेटघाट हुनेछ। मिहिनेतले मानसम्मान दिलाउने छ ।
वृष
करकापमा परी काममा जुट्नु पर्ने अवस्था रहने छ । परिश्रमका तुलनामा प्रतिफल कम देखिने छ । खर्च तथा विवाद बढ्ने समय रहेकाले महत्त्वाकांक्षी योजनामा अघि नबढ्नु होला ।
मिथुन
काम बने पनि उठ्नु पर्ने रकम अड्किन सक्छ । नियमित काम तथा व्यवसायमा सामान्य फाइदा भइरहने छ । समयमा सजग नहुँदा आफ्नो श्रमबाट अरूले फाइदा उठाउने चेष्टा गर्ने छन् ।
कर्कट
राम्रो कर्मफल प्राप्त हुनाले मन प्रसन्न रहने छ । सामाजिक नेतृत्व हातलागी हुने सम्भावना छ । व्यापारमा पनि राम्रै फाइदा हुनेछ । प्रतिष्ठित काम गर्ने अवसर प्राप्त हुनेछ ।
सिंह
चुनौतीका बीच अवसर प्राप्त हुनेछ । प्रयत्न गर्दा नयाँ काम थालनी हुनेछ । सहयोगीहरूले साथ दिने छन् । समुदायको हितमा राम्रै काम गर्न सकिने छ । तर परिस्थितिवश फाइदा नहुने काममा अलमलिनु पर्ला ।
कन्या
अस्वस्थ शरीर लिएर काममा जुट्नु पर्ने अवस्था आउन सक्छ । समय लागे पनि मिहिनेत गर्दा काम बनाउन सकिने छ । विगतका कर्मको उचित प्रतिफल प्राप्त हुनेछ ।
तुला
घुमफिर तथा मनोरञ्जनपूर्ण आनन्द प्राप्त हुनेछ । प्रियजनसँगको भेटघाटले दिन रमाइलो रहने छ । अतिथिका रूपमा सत्कार पाइने छ । आम्दानी बढाउने काम गर्न सकिने छ ।
वृश्चिक
भौतिक साधन जुट्नाले दिगो काम प्रारम्भ हुनेछ । साहसी काम गरेर प्रशस्त लाभ उठाउन सकिने छ । नयाँ योजनातर्फ अग्रसर भइने छ । अरूको विश्वास जित्न केही समय लागे पनि दिगो फाइदा हुने काम हातलागी हुनेछ ।
धनु
अवसर प्राप्त भए पनि काममा हातहाल्नुअघि समस्या आउन सक्छ । समयको गतिलाई पछ्याउन नसक्दा दुःख पाइने छ । परिस्थितिसँग सम्झौता गर्नु पर्ला । पेटको खराबीले स्वास्थ्य कमजोर हुन सक्छ ।
मकर
आफन्त र परिवारजनलाई धेरै समय दिनु पर्ने हुन सक्छ । आश्वासन दिनेहरूले प्रतिबद्धता पूरा नगर्न सक्छन् । धेरै फाइदा नहुने काममा समय बित्ने छ । नजिकका आफन्त, साथीभाइ टाढिन सक्छन् ।
कुम्भ
सहयोगीहरूले साथ दिनाले चिताएका काम सम्पादन हुने छन् । प्रतिस्पर्धीहरू पछि पर्ने छन् । मिहिनेत गर्दा राम्रो परिणाम प्राप्त हुनेछ । तारिफ योग्य काम गर्दै मनग्गे धन आर्जन गर्न सकिने छ ।
मीन
चिताएको काम बन्नुका साथै बोलीको प्रभाव बढ्ने छ भने अभिव्यक्ति कलालाई निखार्ने अवसर प्राप्त हुनेछ । मेहनतले सम्मानित स्थान दिलाउने छ । मान सम्मान प्राप्त हुनेछ ।
