काठमाडौं । नेपाली कांग्रेसको भातृ संगठन तरुण दलका जिल्ला सदस्य विनोद गिरीमाथि गोली प्रहार गरेको आरोपमा चार जना पक्राउ परेका छन् । सुर्खेतको वीरेन्द्रनगर १ कालागाउँ देउतीनजिकै गएराति ९ बजेतिर गिरी चढेको गाडीमा गोली प्रहार भएको हो ।
गोली हानेको आरोपमा पक्राउ परेका चार जनालाई आइतबार दिउँसो पत्रकार सम्मेलन गरेर सार्वजनिक गर्ने जिल्ला प्रहरी कार्यालयले जनाएको छ । आरोपीको परिचय गोप्य राखिएको छ ।
प्रहरीले घटना स्थलबाट कटुवा पेस्तोल, गोलीको खोका र एक थान मोटरसाइकल बरामद गरेको छ ।
प्रतिक्रिया दिनुहोस्
