काठमाडौं । सल्यानमा सुत्केरी भएकी श्रीमतीको हत्या गरी श्रीमानले पनि आत्महत्या गरेका छन् । १३ दिने सुत्केरी श्रीमतीको हत्या गरी श्रीमानले आत्माहत्या गरेको जिल्ला प्रहरी कार्यालयले जनाएको छ ।
जिल्लाको सिद्धकुमाख गाउँपालिका ४ सागिनेका ३२ वर्षीय केशव रानाले धारिलो हतियार प्रहार गरी २७ वर्षीया श्रीमती केवलीको हत्या गरेको हो ।
मंगलबार बिहानै श्रीमतीको हत्या गरी श्रीमानले पनि आत्महत्या गरेका हुन् । घटनाको अनुसन्धानका लागि डिएसपीको नेतृत्वमा प्रहरी टोली खटिएको छ । राना दम्पतीका १३ दिनको नवजात शिशु छोरीसहित चार छोराछोरी रहेका छन् ।
आइतबार मात्रै सोही जिल्लाको बनगाड कुपिण्डे नगरपालिका ४ देउलीमा श्रीमानले श्रीमतीको हत्या गरी आत्माहत्या गरेका थिए । उनीहरूको पनि डेढ वर्षकी छोरीसहित तीन जना बच्चाहरू रहेका छन् ।
प्रतिक्रिया दिनुहोस्
