काठमाडौं । चीनको दक्षिण पश्चिम सिचुआन प्रान्तस्थित कोइला खानीमा बुधबार दुर्घटना हुदाँ सात जनाको मृत्यु भएको छ । स्थानीय आपतकालीन व्यवस्थापन अधिकारीका अनुसार घटनामा एक जना फसेका छन् ।
सिसिटिभीका अनुसार दुर्घटना सिचुआन प्रान्तको लेसान सहरको कोइला खानीमा कामदारले भेन्टिलेसनबाट हावा पठाउन काम गरिरहेका समय बिहान १० बजे भएको थियो ।
खोज तथा उद्धार टोलीले समाचार तयार पार्दासम्म सात जनाको मृत्यु भएको पुष्टि गरेको छ । एक जना अझै बेपत्ता भएकाले खोजी र उद्धार कार्य जारी छ ।
दुर्घटनाको कारणबारे खोज तथा अनुसन्धान भइरहेको छ । थप विवरण आउन बाँकी छ ।
प्रतिक्रिया दिनुहोस्
