काठमाडौँ । एक किलो सुनसहित त्रिभुवन विभानस्थलबाट एक जना पक्राउ परेका छन् । एयर अरेबियाको फ्लाइटबाट दुबई हुँदै नेपाल आएका चितवनका आशिष सुवेदी पक्राउ परेका हुन् ।
उनको साथबाट एक किलो एक सय ग्राम सुन बरामद गरेको प्रहरीले जनाएको छ । रबरको एक प्रकारको भाँडो बनाएर त्यसमा सुनलाई प्याक गरेर ल्याएको अवस्थामा सुवेदी पक्राउ परेका हुन् ।
भिजिट भिसामा दुबई गएका उनी काम नपाएर फर्किने बेला अपरिचित व्यक्तिले सुन काठमाडौँ पुर्याएमा १० हजार दिने आश्वासन दिएपछि ल्याएको बयान दिएका छन् । उनीमाथि अनुसन्धान थालिएको प्रहरीले जनाएको छ ।
प्रतिक्रिया दिनुहोस्
