चितवन- पहिरोका कारण नरायणगढ-मुग्लिन सडक अवरुद्ध भएको छ। यस सडकखण्डअन्तर्गत शनिबार साँझ चितवनको इच्छाकामना-६ स्थित चोरखोलामा सुक्खा पहिरो खस्दा सडक दुईतर्फी अवरुद्ध भएको हो।
अहिले पनि पहिरो झर्ने क्रम जारी रहेकाले पहिरो हटाउने काम सुरु गर्न नसकिएको इलाका प्रहरी कार्यालय मुग्लिनले जनाएको छ। पहिरो हटाउन उपकरण तयारी अवस्थामा पहिरोस्थलमा कार्यालका प्रमुख प्रहरी निरीक्षक कञ्चन तामाङले जानकारी दिए। पहिरो झर्ने क्रम रोकिएपछि हटाउने काम शुरु गरिने उनले बताए।
प्रतिक्रिया दिनुहोस्
