काठमाडौं–रोल्पामा गएराति दुई बजे एक जनाको हत्या गरिएको छ। ‘चिनी चाहियो’ भन्दै पसल खोल्न लगाएर पसलेको हत्या भएको प्रहरीले जानकारी दिएको छ। परिवर्तन गाउँपालिका–३, मा बुधबार राति दुई बजे ४४ वर्षीय रामचरण बादीले ४० वर्षीय मनबहादुर बादीको हत्या गरेका हुन्।
जिल्ला प्रहरी कार्यालयका डिएसपी चित्रबहादुर गुरूङका अनुसार उनीहरू एकै टोलमा बस्ने गर्थे। उनीहरूबीच पहिलेदेखि नै मनमुटाव रहेछ। राति एक्कासि उठेर गएर चिनी चाहियो भन्दै गएछन्। मनबहादुरको पसल पनि छ। अनि उठेर आएपछि वनचरोको बिडले हानेर हत्या गरेन्।
डिएसपी गुरुङले रामचरणलाई पक्राउ गरिसकेको पनि जानकारी दिए। ‘रामचरणको अलि मानसिकरूपमा पनि समस्या भएको बुझिएको छ। धेरै ठूलो विवाद नभए पनि सानोतिनो मनमुटावमात्रै भएको बुझिन्छ,’ उनले भने।
प्रतिक्रिया दिनुहोस्
