Logo

आइतवार, मंसिर १४ गते २०७७

  • TRENDING NOW :

काठमाडौं उपत्यकाको निषेधाज्ञा खुकुलो बनाइयो, यी क्षेत्र अब खुल्न पाइने

काठमाडौं उपत्यकाको निषेधाज्ञा खुकुलो बनाइयो, यी क्षेत्र अब खुल्न पाइने

सूत्र न्यूज

१७ भाद्र २०७७
  • 7.7K
    SHARES
  • काठमाडौं उपत्यकाको निषेधाज्ञा खुकुलो बनाइयो, यी क्षेत्र अब खुल्न पाइने

    कोरोना संक्रमितको संख्या दिनानुदिन बढ्दै गएपछि काठमाडौं उपत्यकाको निषेधाज्ञा दोस्रोपटक थप गरिएको छ। स्थानीय तह र सुरक्षा निकायहरुको सुझाव बमोजिम गृह मन्त्रालयसँगको परामर्शमा उपत्यकाका तीन जिल्लाका प्रमुख जिल्ला अधिकारीहरुले ३ भदौदेखि सुरु निषेधाज्ञा २४ भदौ मध्यरातसम्मका लागि थप गरेको हो।

    उपत्यकामा निषेधाज्ञा रहेपनि केही कुरामा भने खुकुलो बनाइएको छ। अत्यावश्यक वस्तु वा सेवामध्ये औषधि, पानी विक्री वितरण गर्ने र स्वास्थ्य सामग्री बिक्री वितरण गर्ने पसल/व्यवसाय जुनसुकै समयमा पनि निर्वाधरुपमा सञ्चालन गर्न सकिने निर्णयमा उल्लेख छ।

    त्स्तै विहान ११ बजेसम्म खाद्यवस्तु, दुध र दुधजन्य पदार्थ, फलफूल, तरकारी, माछा/मासु, विक्री गर्ने पसल खोल्न पाइनेछ। विकास निर्माणसँग सम्बन्धित पसल दिउँसो २ देखि राति ९ बजेसम्म खुल्ने निर्णयमा उल्लेख छ।

    त्यस्तै छोटो दूरीको ढुवानीका लागि प्रयोग हुने सवारी साधन पनि दिउँसो २ देखि ९ बजेसम्म चल्न पाउनेछन्।

    सरकारले यसअघि एकपटक बन्द गरेर पुन: सुरु गर्न दिएको अनलाइन व्यापारलाई पनि केही खुकुलो बनाएको छ। पीसीआर नेगेटिभ भएका व्यक्तिहरूबाट मापदण्ड बमोजिम टेक-अवे सेवा सञ्चालन गर्न र सरकारले तोकेको मापदण्ड अनिवार्य रुपमा पालना गरी अलनाइन सेवा सञ्चालन गर्न पाइने उपत्यकाका प्रमुख जिल्ला अधिकारीहरूद्वारा जारी आदेशमा उल्लेख छ।


    प्रकाशित :भाद्र १७, २०७७ बुधवार - १९:२२:१०

    प्रतिक्रिया


    ताजा अपडेट

    विचार सबै
    अन्य समाचार

    Copyright © All right reserved - Sutra Media P. LTD.