Logo

शनिवार, मंसिर २० गते २०७७

  • TRENDING NOW :

बेलायतमा पनि मनाइयो महाकवि देवकोटाको जन्मजयन्ती

बेलायतमा पनि मनाइयो महाकवि देवकोटाको जन्मजयन्ती

सूत्र न्यूज

२ मंसिर २०७७
  • 175
    SHARES
  • बेलायतमा पनि मनाइयो महाकवि देवकोटाको जन्मजयन्ती

    एजेन्सी- महाकवी लक्ष्मीप्रसाद देवकोटाको ११२औँ जन्मजयन्ती बेलायतमा पनि मनाइएको छ ।लण्डनस्थित नेपाली राजदूतावासले साहित्य महोत्सवको कार्यक्रम आयोजना गरेर महाकवि देवकोटाको जन्मजयन्ती मनाएको हो ।

    तीन चरणमा सञ्चालित उक्त कार्यक्रममा बेलायतस्थित नेपाली राजदूत डा.दुर्गाबहादुर सुवेदीले नेपाली भाषा तथा साहित्यको विकासमा बेलायतमा रहेका कवि तथा साहित्यकारहरुले पुर्‍याउनुभएको योगदानको चर्चा गरे ।

    नेपाली भाषा, साहित्यको अध्यापन गरी हाल अवकासप्राप्त डा.माइकल हटले समग्र नेपाली साहित्यको विकासक्रमको चर्चा गरे । उनले नेपालका वरिष्ठ कवि तथा साहित्यकारको योगदानको चर्चा गर्दै उनीहरूका सिर्जनासमेत वाचन गरे ।

    प्रा.डा.सूर्यप्रसाद सुवेदीले महाकवि देवकोटाले नेपाली भाषा तथा साहित्यमा पुर्‍याएको विशेष योगदानको चर्चा गरे । नेपाली साहित्य विकास परिषद् संयुक्त अधिराज्यका संस्थापक तथा निवर्तमान अध्यक्ष सुरेशजङ्ग शाहले बेलायतमा नेपाली साहित्यको विकास र विस्तारसम्बन्धी आफ्नो कार्यपत्र प्रस्तुत गरेका थिए ।

    अन्तर्राष्ट्रिय नेपाली साहित्य समाज संयुक्त अधिराज्यका अध्यक्ष लक्ष्मी राई (लारा)ले बेलायतमा नारी हस्ताक्षरहरुको विषयमा जानकारी गराइन् । कवि तथा साहित्यकार गोपी सापकोटाले बेलायतमा नेपाली साहित्यको वर्तमान अवस्थाका बारेमा कार्यपत्र प्रस्तुत गरेकी थिए ।

    कार्यक्रममा बेलायतमा रहेका प्रतिनिधि नेपाली कवि तथा साहित्यकारहरुका रचनाहरु सम्मिलित डा दुबसु क्षेत्रीद्वारा सम्पादित ‘बेलायतमा नेपाली मुक्तक’ र ‘बेलायतमा नेपाली गजल’ तथा नेपालको सबैभन्दा पुरानो साहित्यिक मासिक पत्रिका ‘शारदा’को बेलायतमा नेपाली साहित्य विशेषाङ्क १ र २ को लोकार्पण गरिएको थियो ।

    सो अवसरमा आयोजित काव्य गोष्ठीमा बेलायतलगायत युरोप तथा नेपालबाट समेत कवि तथा साहित्यकारहरुले कविता, गीत, मुक्तक वाचन गरेका थिए ।


    प्रकाशित :मंसिर २, २०७७ मंगलवार - ०८:४०:२८

    प्रतिक्रिया


    ताजा अपडेट

    विचार सबै
    अन्य समाचार

    Copyright © All right reserved - Sutra Media P. LTD.