Logo

शनिवार, मंसिर २० गते २०७७

  • TRENDING NOW :

हाँस्यव्यङ्ग्य साहित्यका शिखरपुरुष भैरव अर्यालको शालिक जोरपाटी चोकमा राखिने

हाँस्यव्यङ्ग्य साहित्यका शिखरपुरुष भैरव अर्यालको शालिक जोरपाटी चोकमा राखिने

सूत्र न्यूज

६ मंसिर २०७७
  • 182
    SHARES
  • हाँस्यव्यङ्ग्य साहित्यका शिखरपुरुष भैरव अर्यालको शालिक जोरपाटी चोकमा राखिने

    काठमाडौं- नेपाली हाँस्यव्यङ्ग्य साहित्यका शिखरपुरुष भैरव अर्यालको स्मृतिमा स्थापित भैरव पुरस्कार र भैरव प्रतिभा पुरस्कार वर्ष २०७६र७७ का लागि क्रमशः रामकुमार पाँँडे र राजाराम पौडेललाई प्रदान गरिएको छ । भैरव पुरस्कार गुठीले आज गोकर्णेश्वर–५ स्थित भैरव स्मृति भवनमा गरेको कार्यक्रममा गोकर्णेश्वर नगरपालिकाका प्रमुख सन्तोष चालिसेले पाँडे र पौडेललाई पुरस्कार वितरण गरेका हुन् ।

    पुरस्कारको राशि क्रमशः रु एक लाख र ५० हजार रहेको छ । कार्यक्रमलाई सम्बोधन गर्दै नगरप्रमुख चालिसेले जोरपाटी चोकमा निर्माण गरिने नगरपालिकाको कार्यालय परिसरमा अर्यालको पूर्णकदको ढलोटको शालिक राखिने घोषणा गरे ।

    पुरस्कृत स्रष्टा पाँँडे विदेशमा रहेकाले प्रतिनिधिको रूपमा उनको पुरस्कार ग्रहण गरेका डा.यादव ढुङ्गानाले हाँस्यव्यङ्ग्य साहित्यमा पाँडेको योगदानको चर्चा गरे । वरिष्ठ हाँस्य कलाकार मदनकृष्ण श्रेष्ठले पुरस्कृत स्रष्टा राजाराम पौडेल नेपाली हाँस्य कला क्षेत्रका अमूल्य निधि भएको बताए ।

    वरिष्ठ साहित्यकार विजय चालिसेले नेपाली हाँस्यव्यङ्ग्य साहित्यलाई उर्वर बनाउने काम अर्यालले गरेको स्मरण गरे । चालिसे संयोजक तथा वरिष्ठ समालोचक प्रा.डा.खगेन्द्र लुइँटेल र व्यङ्ग्यकार लक्ष्मण गाम्नागे सदस्य रहेको चयन समितिको आधारलाई अनुमोदन गर्दै भैरव पुरस्कार गुठीले पाँडे र पौडेललाई पुरस्कृत गर्ने निर्णय गरेको हो ।

    भैरव पुरस्कार गुठीका अध्यक्ष तथा वरिष्ठ साहित्यिक पत्रकार रोचक घिमिरेको सभापतित्वमा सम्पन्न कार्यक्रममा गुठीका सचिव वसन्त रिजालले विसं २०४६ देखि प्रत्येक दुई/दुई वर्षमा यी पुरस्कार प्रदान गरिँदै आएकामा अब आगामी वर्षबाट वर्षेनी वितरण गरिने जानकारी दिए । कार्यक्रममा स्रष्टाहरु गोविन्दप्रसाद घिमिरे ‘वेदमणि’, गोपालप्रसाद बराल, विमल अर्याल, उद्धव रायमाझीलगायतले नेपाली साहित्यमा अर्यालको योगदानबारे चर्चा गरेका थिए ।


    प्रकाशित :मंसिर ६, २०७७ शनिवार - २१:००:१२

    प्रतिक्रिया


    ताजा अपडेट

    विचार सबै
    अन्य समाचार

    Copyright © All right reserved - Sutra Media P. LTD.