Logo

आइतवार, माघ ११ गते २०७७

आख्यानकार विकलका नाममा स्थापित पुरस्कार घोषणा

आख्यानकार विकलका नाममा स्थापित पुरस्कार घोषणा

सूत्र न्यूज

१९ मंसिर २०७७
  • 325
    SHARES
  • आख्यानकार विकलका नाममा स्थापित पुरस्कार घोषणा

    काठमाडौं- नेपाली आख्यान साहित्यका स्रष्टा रमेश विकलका स्मृतिमा स्थापित विविध पुरस्कार विजेताको नाम घोषणा गरिएको छ । रमेश विकल साहित्य प्रतिष्ठानले वाङ्मय (साहित्य), समाजसेवा र कला सङ्गीतका क्षेत्रमा स्थापित विभिन्न प्रतिष्ठित व्यक्तित्वलाई पुरस्कार प्रदान गर्दै आएको छ ।

    प्रतिष्ठानद्वारा गठित समितिले गरेको सिफारिसअनुसार सम्मानित हुने प्रतिभाको नाम सार्वजनिक गरिएको हो । प्रतिष्ठानका सदस्य मातृका पोखरेलको संंयोजकत्वमा गठित समितिका सदस्यमा साहित्यकारद्वय कोषराज न्यौपाने र पुरुषोत्तम सुवेदी हुन् ।

    समितिको सिफारिसअनुसार विकल वाङ्मय साहित्य पुरस्कार वरिष्ठ भाषा सेवी शान्तदास मानन्धरलाई प्रदान गरिने प्रतिष्ठानका महासचिव विजय चालिसेले जानकारी दिए । यो पुरस्कारको राशि रु ३० हजार रहेको छ ।

    यसैगरी रु २० हजार राशिको रमेश विकल सुशीला समाजसेवा पुरस्कार सीता पोख्रेल (अनाथाश्रम विराटनगर) लाई प्रदान गर्ने प्रतिष्ठानले जनाएको छ । रमेश विकल सिर्जना पुरस्कार साहित्यकार तथा सौन्दर्य चिन्तक आहुतिलाई प्रदान गरिने जनाइएको छ ।

    साथै यस वर्षको रमेश विकल बालसाहित्य पुरस्कार बाल साहित्यकार प्रभा भट्टराई र रमेश विकल सुशीला नारी पुरस्कार मिठाइदेवी विश्वकर्मालाई प्रदान गरिने छ ।

    रमेश विकलको कला प्रतिभालाई सम्मान गर्न स्थापित रमेश विकल कला सङ्गीत पुरस्कार वरिष्ठ कलाकार हरिप्रसाद शर्मालाई प्रदान गरिने निर्णय गरिएको छ ।

    यी सबै पुरस्कारको राशि रु १० हजार रहेको छ । यी सम्मान र पुरस्कार आगामी पुस ४ गते प्रदान गरिने प्रतिष्ठानका महासचिव चालिसेले बताए ।


    प्रकाशित :मंसिर १९, २०७७ शुक्रवार - १२:४८:१२

    प्रतिक्रिया


    ताजा अपडेट

    विचार सबै
    अन्य समाचार

    Copyright © All right reserved - Sutra Media P. LTD.