काठमाडौं- हरिहर निरौलाको प्रस्तुति तथा शब्दमा ‘भरोसाको दियो’ बोलको गीत तयार भएको छ । गीतमा प्रसिद्ध गायक तथा संगीतकार सत्यराज आचार्यको आवाज रहेको छ ।
विशाल ढकालले संगीत गरेको गीतलाई पुष्कर सुनुवारले संगीत संयोजन गरेका हुन् । म्यूजिक भिडियोसहित तयार पारिएको गीतलाई सत्यराज स्वयंले निर्देशन गरेका हुन् भने उनकी पत्नी अनिता थापा आचार्यले उनलाई सहायक निर्देशकको रूपमा सघाएकी छिन् ।
सत्यकै अभिनय समेत देख्न पाइने भिडियोमा स्वरूप पुरुष ढकाल र पुष्पा रायमाझीले पनि अभिनय गरेका छन् । हरि हुमागाईंको छायांकन अनि विकास धमलाको सम्पादन रहेको भिडियोलाई सत्यराज आचार्य र स्वरूपराज आचार्यको युट्युब च्यानलबाट सार्वजनिक गरिएको छ ।
प्रतिक्रिया दिनुहोस्
