ढाका- बङ्गलादेश सरकारले अप्रिल ७ देखि आम नागरिकका लागि देशभर कोभिड-१९ विरूद्धको दोस्रो खोपको मात्रा दिने निर्णय गरेको छ ।
बङ्गलादेशका स्वास्थ्य मन्त्री जाहिद मालेकले प्रेस सम्मेलनमा भने, ‘बङ्गलादेशले फेब्रुअरी ७ मा राष्ट्रव्यापी कोभिड-१९ विरूद्धको खोपको दोस्रो अभियान सुरू गर्छ ।’
बङ्गलादेशमा करीब ३० लाख नागरिकलाई कोभिड-१९ विरूद्धको पहिलो खोपको मात्रा दिइएको छ ।
बङ्गलादेश सरकारले विभिन्न उच्च जोखिम समूहका एक करोड ६० लाख ९० हजार नागरिकलाई प्राथमिकताका आधारमा खोप दिने योजना बनाइरहेको उनले बताए ।
बङ्गलादेशमा गत वर्षको मार्चदेखि देशका करिब सबै जिल्लाहरूमा कोभिड-१९ को सङ्क्रमण फैलिएको सरकारी तथ्याङ्क रहेको छ ।
प्रतिक्रिया दिनुहोस्
