काठमाडौं- पछिल्लो समय नेपाली म्यूजिक भिडियोमा अभिनेता पल शाह र अभिनेत्री मल्लिका महतको दबदबा अत्याधिक छ । अझ भनौं, यो जोडीको माग बढी छ । यी दुईले एक महिनाको अन्तरालमा दुईवटा म्यूजिक भिडियोमा मात्रै सँगै काम गरेका छन् ।
एक ‘फुलबुट्टे सारी’ अर्को ‘टाढा भएपनि’ । उनीहरू अभिनित म्यूजिक भिडियोले अनेकौं रेर्कड तोड्दै छोटो समयमै करोड क्लबमा प्रवेश गरिसकेको छ ।
म्यूजिक भिडियोको सफलतासँगै यो जोडी अब ठूलो पर्दामा पनि सँगै आउने भएका छन् ।
यतिखेर फिल्मको स्क्रिप्टमा काम भइरहेको छ । पल र मल्लिकालाई लिएर फिल्म बनाउने जिम्मा पनि केन्द्र मोसन पिक्चर्सले नै लिएको छ ।
‘टाढा भएपनि’ र ‘फूलबुट्टे सारी’ पनि केन्द्र मोसन पिक्चर्सकै निर्माण बनेको थियो । छ महिना जति स्क्रिप्टमा काम गर्ने र त्यसपछि फिल्म फलोरमा जाने बताइएको छ ।
पहिलो स्क्रिप्टका केहि लाइन पल र मल्लिकाले सुनेका छन् । २-३ वटा स्क्रिप्ट तयार गर्ने र जुन बेस्ट हुन्छ त्यसमै काम गर्ने निर्माण टिमले बताएको छ ।
