काठमाडौं- म्यानमरमा सेनाले चलाएको गोली लागेर ३८ जनाको मृत्यु भएको छ । सैन्य ‘कू’ विरूद्ध आन्दोलित सर्वसाधारणमाथि म्यान्मारको सेनाले बुधवार गोली चलाएको हो ।
सर्वसाधारणमाथि ‘बिना चेतावनी’ गोली चलाउँदा कम्तीमा ३८ जना मारिएको बीबीसीले जनाएको छ । बुधबारको घटनामा १४ देखि १७ वर्षका किशोर किशोरीको पनि मृत्यु भएको सेभ द चिल्ड्रेनले जनाएको छ ।
म्यान्मारका छिमेकी मुलुकहरूले संयम अपनाउन त्यहाँको सेनालाई आग्रह गरेको भोलिपल्टै सेनाले अन्धाधुन्ध गोली प्रहार गरेको हो ।
संयुक्त राष्ट्रसंघले बुधबारको घटनालाई सेनाले सत्ता हातमा लिएयताकै ‘रक्तपातपूर्ण’ दिनको रूपमा लिएको छ ।