काठमाडौं- १६ वर्षअघि प्रदर्शनमा आएको एक्शन जनरको फिल्म ‘आँधि तुफान’ को सिक्वेलको निर्माण घोषणा गरिएको छ । बिहीबार एक कार्यक्रमको आयोजना गरी सिक्वेल निर्माणको घोषणा गरिएको हो ।
पहिलो पार्टमा अभिनेत्रीहरू पुजना प्रधान, रिचा घिमिरे, रञ्जु लामिछानेको मुख्य भूमिका रहेको थियो भने पार्ट २ को मुख्य भूमिकामा नवकलाकारहरू भित्रिएका छन् ।
नवकलाकारहरू आरती आर्चय, पुनम गौतम, याङसु श्रेष्ठ एक्शन अवतारमा देखिदै छन् । फिल्मको नायक संजय खतिवडा हुन् ।
मदन घिमिरेले निर्देशन गर्ने फिल्ममा मुकुन्द थापा, धुव्र कोइराला, कनिज कोइराला, पुस्कर राउत, सिवन लामा, राजाराम गौतम लगायतको समेत अभिनय रहने छ ।
मौनता श्रेष्ठ प्रस्तुतकर्ता फिल्मको कथा पनि उनकै हो । फिल्ममा रामशरण उप्रेतीको छायांकन, प्रेम चुल्ठेको द्वन्द्व, सुरेश अधिकारीको संगीत, रानी शाक्याको स्वर, कमल राईको कोरियोग्राफी हुनेछ ।
चैतबाट छायांकन सुरु हुने फिल्म नारीप्रधान सस्पेन्स थ्रिलर फिल्म हुनेछ । फिल्मको पहिलो पार्ट भने बक्स अफिसमा हिट रहेको थियो ।
