काठमाडौं- मल्टिस्टारर फिल्म ‘लप्पन छप्पन-२’ को ट्रेलर सार्वजनिक गरिएको छ । बिहीबार काठमाडौंमा एक कार्यक्रम आयोजना गरि फिल्मको ट्रेलर रिलिज गरिएको हो ।
सार्वजनिक फिल्मको ट्रेलरमा भरपुर एक्सन समावेश गरिएको छ । सौगात मल्ल, शिव श्रेष्ठ, अनुपविक्रम शाही, अर्पण थापा लगायतका कलाकारहरुको मुख्य भूमिका रहेको फिल्मलाई मुकुन्द भट्टले निर्देशन गरेका हुन् ।
फिल्ममा स्व.दिपक क्षेत्री,प्रकाश कुँवर,सरित गिरि,एन्जल श्रेष्ठ,अनिल खनाल,राजेन्द्र विष्ट र केरोलिन कोलिन्डाको समेत अभिनय रहेको छ । फिल्मको निर्मातामा प्रकाश कुँवर,सुदिप चन्द्र भक्रेल र सन्तोषचन्द्र भक्रेल रहेका छन् ।
फिल्मका प्रस्तुतकर्ता भने मुकुन्द भट्ट र खिलेन्द्रराज तिमिल्सिना हुन । नेपाल र अष्ट्रेलियामा छायाकंन भएको फिल्मलाई फिल्मलाई पुरुषोत्तम प्रधानले खिचेका हुन् । २७ चैतदेखि फिल्म रिलिज गर्ने तयारीमा निर्माण पक्ष छ ।
फिल्म चिनियाँ भाषामा पनि डब भइरहेको छ । फिल्म चीनमा पनि प्रदर्शन हुनेछ । भारतमा पनि प्रदर्शन गर्ने तयारी गरिएको यो फिल्म भारतका चार भाषा हिन्दी, तमिल, तेलगु र भोजपुरिमा पनि डब गरिएको छ ।
