काठमाडौं- अन्तर्राष्ट्रिय जगतमा नेपाल र नेपाली खानाको परिकार चिनाउन सफल शेफ सन्तोष शाहलाई नबिल बैङ्कले ‘हिरोज् अफ नेपाल’ घोषणा गरेको छ । हालैमात्र राजधानीमा एक विशेष समारोहको आयोजना गर्दै बैङ्कले शेफ सन्तोषलाई हिरोज् अफ नेपाल घोषणा गर्दै सम्मान गरेको हो ।
सम्मानित शेफ शाहले केहिसमय अघि मात्रै यु.के. को मास्टरशेफ कार्यक्रममा नेपालको प्रतिनिधित्व गर्दै नेपाली परिकारहरूलाई विश्व सामु चिनाउनुका साथै नेपालीको शिष्टाचार र मैत्रीपूर्ण भावलाई समेत प्रदर्शन गरेर सफलता हासिल गरेका थिए ।
उक्त छलफलका क्रममा शेफ शाहले आफ्नो प्रेरणादायिक उपलब्धिहरूको बारेमा जानकारी दिँदै आफ्नो जीवनका यात्राका चुनौतीहरूको बारेमा समेत बताएका थिए । सो अवसरमा उनले सफलताको सूत्रको प्रेरणादायी सन्देशहरू समेत दिएका थिए ।
हिरोज् अफ नेपाल घोषित गरेको बैङ्कले शेफ शाहको थप नेपाली परिकारको अनुगमनलाई जारी राख्न प्रोत्साहनको रूपमा प्रेरणादायक उपलब्धिका लागि सम्मानित समेत गरेको छ ।
जसको अनुसरण गर्दै, नबिल बैङ्कले शेफ शाहको गृहनगरमा ई–पुस्तकालय निर्माण गर्न र ५ महिला विद्यार्थीहरुलाई छात्रवृत्ति प्रदान गर्ने प्रतिबद्धता समेत जनाएको छ ।
सो अवसरमा नबिल बैङ्कले आगामी दिनहरूमा पनि यस खालको हिरोज्हरुको सम्मान र अनुसरणको शृङ्खलालाई निरन्तरता दिने जनाएको छ ।
