काठमाडौं- भारतीय पूर्वक्रिकेटर सचिन तेन्दुलकरलाई कोरोना भाइरसको संक्रमण भएको छ ।
सचिनले सामाजिक सञ्जालमार्फत आफूलाई कोरोना संक्रमण पुष्टि भएको जानकारी गराएका छन् ।
उनको परिवारका अन्य सदस्यको भने कोरोना परीक्षण रिपोर्ट नेगेटिभ आएको छ ।
उनले कोरोनाबाट बच्न आफूले सावधानी अपनाउँदा अपनाउँदै पनि संक्रमित भएको बताएका छन् ।
सामान्य लक्षण देखिएपछि परीक्षण गराउँदा रिपोर्ट पोजेटिभ आएको उनले बताएका छन् ।
पछिल्लो समय भारतमा कोरोना भाइरसको संक्रमण तीव्र गतिमा बढिरहेको छ ।