काठमाडौं- बाहुबली फेम्ड निर्देशक एसएस राजामौलीले निर्देशन गरिरहेको बिग बजेट, फिल्म ‘आरआरआर’ बाट अभिनेता अजय देवगनको लुक्स सार्वजनिक भएको छ ।
राजामौलीले मोसन पोस्टर सार्वजनिक गर्दै फिल्मबाट अजयको फस्टलुक सार्वजनिक गरेका हुन् । अजयको जन्मदिनको अवसर पारेर उक्त पोस्टर सार्वजनिक गरिएको हो । १९६९ अप्रिल २ का दिन अजयको जन्म भएको थियो ।
सार्वजनिक पोस्टरमा अजय योद्वा अवतारमा देखिएका छन् । पछिल्लो समय अजय अभिनित पिरियड ड्रामा फिल्मलाई दर्शकले मनपराई रहेका छन् भने ‘आरआरआर’ पनि पिरियड ड्रामा फिल्म नै रहेको छ ।
मल्टि स्टारर फिल्म ‘आरआरआर’ मा अजयका साथमा रामचरण, जुनियर एनटीआर, आलिया भट्ट लगायतको मुख्य भूमिका रहेको छ । यसभन्दा अघि आलियाको फस्टलुक पोस्टर सार्वजनिक गरिएको थियो ।
प्रतिक्रिया दिनुहोस्
