नयाँ दिल्ली- कोभिड-१९ को महामारीबीच शुक्रबार आयोजना हुने भनिएको भारतीय जनता पार्टीको चुनावी र्यालीको कार्यक्रमलाई भारतीय प्रधानमन्त्री नरेन्द्र मोदीले रद्द गरेका छन् ।
प्रधानमन्त्री मोदीले बिहीबार साँझ ट्वीट गर्दै आफूले पश्चिम बंगाल जाने कार्यक्रम रद्द गरेको जानकारी गराएका छन् ।
यस्तै मोदीले शुक्रबार कोभिड-१९ बारे छलफल गर्न उच्चस्तरीय बैठक गर्ने पनि ट्वीटमार्फत जानकारी दिएका छन् ।
उनी चुनावी प्रचारका लागि पश्चिम बंगाल जाने कार्यक्रम थियो । यसअघि निर्वाचन प्रचारका लागि पश्चिम बंगाल जाने कार्यक्रम विपक्षी नेता राहुल गान्धीले पनि रद्द गरेका थिए ।
कार्यक्रम रद्द गरेपछि निर्वाचन प्रचारप्रसारका लागि अन्य दलहरूलाई पनि सोच्न गान्धीले आग्रह गरेका थिए ।
त्यसको लगत्तै सामान्य विरामी परेका राहुलको कोभिड-१९ परीक्षण गर्दा उनलाई संक्रमण पुष्टि भएको थियो ।