sutra news logo

बिहिवार, बैशाख ३० गते २०७८

कांग्रेस र माओवादी केन्द्रले प्रधानमन्त्रीलाई विश्वासको मत नदिने, जसपाको निर्णय आउन बाँकी

कांग्रेस र माओवादी केन्द्रले प्रधानमन्त्रीलाई विश्वासको मत नदिने, जसपाको निर्णय आउन बाँकी

सूत्र न्यूज

२१ बैशाख २०७८
  • 112
    SHARES
  • कांग्रेस र माओवादी केन्द्रले प्रधानमन्त्रीलाई विश्वासको मत नदिने, जसपाको निर्णय आउन बाँकी

    काठमाडौं- प्रमुख प्रतिपक्षी नेपाली कांग्रेसले संघीय संसदमा विश्वासको मत लिन जाने प्रधानमन्त्री केपी शर्मा ओलीको कदमलाई असफल पार्ने निर्णय गरेको छ ।

    सभापति शेरबहादुर देउवा निवास बूढानिलकण्ठमा मंगलबार बसेको पदाधिकारी तथा पूर्वपदाधिकारीको बैठकले यस्तो निर्णय गरेको हो ।

    प्रधानमन्त्रीलाई विश्वासको मत लिनबाट रोक्न र ओलीको योजना असफल पार्न सबै दलसँग पहल गर्ने निर्णय पनि कांग्रेसले गरेको छ ।

    बैठकपछि सञ्चारकर्मीसँग बोल्दै सहमहामन्त्री प्रकाशशरण महतले संवैधानिक परिषद् लगायतका सातवटा अध्यादेश ल्याउने सरकारको काममा समेत आपत्ति जनाइएको बताए ।

    उता माओवादी केन्द्रले पनि प्रधानमन्त्री ओलीको विपक्षमा उभिने निर्णय गर्दै सरकारलाई दिएको समर्थन फिर्ता लिएको छ । फिर्ता लिएको पत्र संसद सचिवालयलाई भोलि (बुधबार) दिने बताएको छ ।

    प्रधानमन्त्रीलाई विश्वासको मत दिने नदिने विषयमा जनता समाजवादी पार्टी (जसपा) को भने निर्णय आइसकेको छैन ।

    images

    प्रकाशित :बैशाख २१, २०७८ मंगलवार - १७:५७:५९

    प्रतिक्रिया


    ताजा अपडेट

    images
    विचार सबै
    अन्य समाचार

    Copyright © All right reserved - Sutra Media P. LTD.