sutra news logo

आइतवार, आषाढ ६ गते २०७८

सातै प्रदेशमा अक्सिजन प्लान्ट स्थापना गर्दै एनआरएनए ,हवाई उडान सहजीकरण गर्न आग्रह 

सातै प्रदेशमा अक्सिजन प्लान्ट स्थापना गर्दै एनआरएनए ,हवाई उडान सहजीकरण गर्न आग्रह 

images

सूत्र न्यूज

११ जेठ २०७८
  • 197
    SHARES
  • सातै प्रदेशमा अक्सिजन प्लान्ट स्थापना गर्दै एनआरएनए ,हवाई उडान सहजीकरण गर्न आग्रह 

    गैर आवासीय नेपाली सङ्घ (एनआरएनए) ले नेपालका सातवटै प्रदेशमा अक्सिजन प्लान्ट स्थापना गर्ने निर्णय गरेको छ । अध्यक्ष कुमार पन्तको अध्यक्षतामा आइतबार बसेको सङ्घका राष्ट्रिय समिति, पदाधिकारी, केन्द्रीय पार्षदको संयुक्त बैठकले सो निर्णय गरेको हो ।

    यस्तै तीव्ररूपमा नेपालमा फैलिरहेको कोरोना सङ्क्रमणलाई नियन्त्रण गर्नका लागि खोप नै अन्तिम विकल्प भएकोले तत्काल  अन्तरराष्ट्रिय समुदायसँग खोप उपलब्ध गराइदिन अपिल गर्ने निर्णय गरिएको छ । त्यसका लागि गैरआवासीय नेपाली सङ्घका राष्ट्रिय समितिमार्फत सम्बन्धित देशका सरकार समक्ष नेपालको लागि खोप उपलब्ध गराउन पहल गरिनेछ ।

    हवाई उडान सहजीकरण गर्न आग्रह 

    पछिल्लो समय नेपालबाट भारतीय लगायत अन्य देशका नागरिकले अन्तरराष्ट्रिय यात्राका लागि सुविधा पाए पनि नेपाली भने समस्यामा परेको गुनासो सुनिएकाले यात्रामा नेपालीलाई पहिलो प्राथमिकतामा राख्न  सङ्घले अनुरोध गरेको छ । विदेशबाट नेपाल फर्कदा नेपाली दूतावासबाट अनुमति लिनुपर्ने लगायत  विषयमा विद्यमान झन्झटिला प्रावधानलाई हटाई यात्रा सहजीकरण गरिदिन समेत सरकारसँग अनुरोध गरिएको छ । 

    नागरिकतासम्बन्धी अध्यादेशप्रति ध्यानाकर्षण लामो समयदेखि नै गैरआवासीय नेपाली सङ्घले माग गर्दै आएको गैरआवासीय नेपाली नागरिकताका विषयमा अध्यादेश मौन देखिएकाले गैरआवासीय नेपालीको माग सम्बोधनका लागि  सङ्घले नेपाल सरकारलाई अनुरोध गरेको छ । 

    विश्वव्यापी रुपमा फैलिएको कारोना भाइरस (कोभिड–१९) का कारण गत दुई सातमा विदेशमा थप ४१ जना नेपालीको निधन भएको छ । गैरआवासीय नेपाली सङ्घ (एनआरएनए) का अनुसार भारतमा २९, कतारमा आठ, फ्रान्समा एक, माल्दिभ्समा एक, बेल्जियममा एक र पोर्चुगलका एक जना नेपालीको कोरोना भाइरसका कारणले ज्यान गएको सङ्घ अन्तर्गत कोभिड–१९ उच्चस्तरीय समितिका प्रेस संयोजक चिरन शर्माले जानकारी दिए ।

    सङ्घले सङ्कलन गरेको तथ्याङ्कअनुसार भारतसहित विश्वभर २८ मुलुकमा रहेका ४२३ जना नेपालीको कोभिड–१९ का कारणले निधन भएको छ । गैरआवासीय नेपाली सङ्घ अन्तर्गतको स्वास्थ्य समितिका अनुसार हालसम्म विदेशमा ५४ देशमा एक लाख सात हजार ८६ जना नेपालीमा कोरोना सङ्क्रमण देखिएको छ भने तीमध्ये ९९ हजार २५७ जना नेपाली कोरोना मुक्त भएका छन् ।

    समितिका संयोजक डा.सञ्जीव सापकोटाका अनुसार सोमवार साँझसम्म विदेशमा कोरोना सङ्क्रमणबाट ९२ प्रतिशत नेपाली मुक्त भएका छन् । गैरआवासीय नेपाली सङ्घले विगत कोरोना भाइरसको महामारी शुरु भएदेखि विदेशस्थित नेपाली समुदाय, विदेशमा कार्यरत नेपाली चिकित्सक, नेपाली नियोग, सङ्घसंस्था र सङ्घका शाखाद्वारा प्राप्त सूचनाका आधारमा तथ्याङ्क सङ्कलन गर्दै आएको छ । सङ्घले डा.सापकोटाको संयोजकत्वमा डा.सागर पौडेल (भारत), डा नितेश शर्मा (मध्यपूर्व), डा.बोधराज सुवेदी (युरोप), डा रुपक श्री (माल्दिभ्स) लगायत विश्वभर २०० जना चिकित्सक परिचालन गरेको छ ।  

    यसैबीच नेपालमा हालसम्म पाँच लाख २० हजार ४६१ जना सङ्क्रमित पुगेकोमा ७६  दशमलव ६ प्रतिशत अर्थात् तीन  लाख ९८ हजार ४८३  जना सङ्क्रमणमुक्त भएका छन् । सङ्क्रमणका कारण सोमवार साँझसम्म छ हजार ५३१ जनाको निधन भएको छ ।  

     


    प्रकाशित :जेठ ११, २०७८ मंगलवार - १४:०७:२६

    प्रतिक्रिया


    ताजा अपडेट

    विचार सबै
    अन्य समाचार

    Copyright © All right reserved - Sutra Media P. LTD.