sutra news logo

बुधवार, कार्तिक १० गते २०७८

images

पशुपतिमा जलहरी लगाउँदा ११ किलो सुन गायब पारिएको उजुरी, कागजपत्र अख्तियारको नियन्त्रणमा

पशुपतिमा जलहरी लगाउँदा ११ किलो सुन गायब पारिएको उजुरी, कागजपत्र अख्तियारको नियन्त्रणमा

images

दिनेश अर्याल

७ श्रावण २०७८
  • 1.3K
    SHARES
  • पशुपतिमा जलहरी लगाउँदा ११ किलो सुन गायब पारिएको उजुरी, कागजपत्र अख्तियारको नियन्त्रणमा
    images

    पशुपति मन्दिरमा सुनको जलहरी लगाउँदा अनियमितता भएको आशंकामा अख्तियारले छानबिन शुरू गरेको छ ।

    images

    ८० करोडको खर्चमा गत वर्ष शिवरात्रीमा १०८ किलोको सुनको जलहरी लगाइएको थियो । तर मन्दिरका एक भण्डारीले जम्मा ९७ किलो मात्र सुन राखिएको भन्दै अख्तियार दुरुपयोग अनुसन्धान आयोगमा उजुरी हालेका थिए ।

    उनले गोप्य उजुरी हालेपछि अख्तियारले छानबिन शुरू गरेको हो ।

    अख्तियार स्रोतले गत साता कागजात बरामद गरिएको पुष्टि गर्यो । 'कम मात्रामा सुन राखिएको भन्दै हामीकहाँ उजुरी आएको थियो,' स्रोतले भन्यो, 'त्यसैको छानबिन गर्न हामीले त्यससम्बन्धी कागजात लिएर आएका छौँ । अनियमितता भएको छ कि छैन भन्ने छानबिनपछि मात्र पत्ता लाग्छ ।'

    पशुपति क्षेत्र विकास कोषका सदस्यसचिव डा. प्रदीप ढकालले अख्तियारले कागजात लिएर गएको स्वीकारे ।

    ढकालले सूत्रन्यूजसँग भने - 'जलहरीसम्बन्धी उजुरी परेपछि अख्तियारले कागजात लिएर गएको छ । तर त्यहाँ कुनै अनियमितता भएको थिएन । शुरूमा पेटी लगाइएको थियो । मुख्य जलहरी अब साइत हेरेर लगाउने हो । त्यसैले त्यहाँ अनियमितता भएकोमा सत्यता छैन ।'

    २०७० सालमै पशुपतिमा जलहरी लगाउने निर्णय पशुपति क्षेत्र विकास कोषले निर्णय गरेको थियो । तर त्यो निर्णय विवादित भयो । गत माघ ११ गते तत्कालीन प्रधानमन्त्री केपी शर्मा ओलीले पशुपति गएर जलहरी लगाउन सरकारले ३० करोड अनुदान दिने घोषणा गरेका थिए ।

    ओलीले घोषणा गरेपछि जलहरीको काम अघि बढ्यो । त्यसपछि शिवरात्रीमा जलहरी लगाउने काम उद्घाटन भयो । तर सोही दिनमै सर्वोच्च अदालतले जलहरी नलगाउन अन्तरिम आदेश दिएको थियो ।

    अदालतको आदेशलाई वेवास्ता गर्दै जलहरी लगाइयो । तर अझै काम सम्पन्न भएको छैन ।

    'जलाहरीमा किला ठोकेर मिलाउन अझै बाँकी नै छ,' कोषका सदस्यसचिव डा. ढकालले भने, 'यसअघि पाता र पेटीहरू राखिएको हो । अख्तियारले जलहरी पनि उप्काएर लगेको छ भनेर हल्ला चलाइएको छ । त्यसो होइन, त्यस्तो पवित्र ठाउँमा कसैले छुन सक्दैन ।


    प्रकाशित :श्रावण ७, २०७८ बिहिवार - १२:०४:३८

    प्रतिक्रिया


    ताजा अपडेट

    images
    विचार सबै
    अन्य समाचार

    Copyright © All right reserved - Sutra Media P. LTD.