काठमाडौँ । सत्तारुढ दल नेपाली नेपाली काँग्रेसका सभापति तथा प्रधानमन्त्री शेरबहादुर देउवाको निजी निवास बुढानिलकण्ठमा काँग्रेसका कार्यकर्ताहरुले प्रदर्शन गरेका छन् ।
देउवाको बेवास्ताका कारण १४ औं महाधिवेशन समयमा नै नहुने निश्चित भएपछि तोकिएको समयमा नै गराउनका लागि ध्यानाकर्षण गर्दै उनीहरुले देउवा निवासकै अगाडी आएर प्रदर्शन गरेका हुन् ।
तोकिएकै समयमा महाधिवेशन सम्पन्न गराउन दबाब दिनका लागि प्रदर्शन गरिएको एक नेताले जानकारी दिए ।
समयमा नै महाधिवेशन नहुने भएपछि काँग्रेसको रामचन्द्र पौडेल पक्षले विरोध जनाएको छ । पौडेल पक्षले समयमा नै महाधिवेशन हुन नसके भदौ २३ पछि देउवालाई काँग्रेसको सभापति मान्न नसकिने बताइसकेको छ ।
बाहिर आन्दोलन चलेको छ भने भित्र बैठक बस्ने तयारी भइरहेको छ ।
प्रतिक्रिया दिनुहोस्
