पोखरा । झण्डै साढे तीन वर्ष गण्डकी प्रदेश सरकार चलाएको नेकपा एमालेले गण्डकीमा छायाँ सरकार गठन गरेको छ ।
एमाले संसदीय बोर्डको बैठकले गण्डकी सरकारमा रहेका ११ मन्त्रालयको निगरानीका लागि छायाँ सरकार गठन गरेको हो ।
मुख्यमन्त्री तथा मन्त्रिपरिषद्को समूहको संयोजकत्वमा मोहनप्रसाद रेग्मीलाई नियुक्त गरिएको छ ।
भौतिक पूर्वाधार, विकास तथा यातायात मन्त्रालयलाई निगरानी गर्न पूर्व मन्त्री रामशरण बस्नेत संयोजकका रुपमा रहेका छन् ।
भूमि, व्यवस्था, कृषि समूहको संयोजकमा मित्रकुमारी गुरुङ रहेकी छन् । उर्जा, खानेपानी समूहको संयोजकमा मिनप्रसाद गुरुङ रहेका छन् भने, धनञ्जय दवाडीलाई सदस्य बनाइएको छ । जनकलाल श्रेष्ठ र इन्द्रधारा विष्ट सदस्य रहने गरी सामाजिक विकास समूहको संयोजकमा नरदेवी पुनलाई नियुक्त गरिएको छ ।