पोखरा । गण्डकी प्रदेशका माओवादी नेताहरुले आलोपालो मुख्यमन्त्री बनेर सरकार चलाउनुपर्ने माग राखेका छन् ।
उनीहरुले लुम्बिनी प्रदेश सरकारजस्तै गरी सरकार चलाउन सत्तारुढ दल काँग्रेससंग माग गरेका हुन् ।
काठमाडौँमा जारी केन्द्रीय कमिटीको बैठकमा गण्डकी प्रदेशका नेताले यस्तो बताएका हुन् ।
गण्डकी सरकार अहिले नेपाली काँग्रेसका नेता कृष्णचन्द्र नेपाली पोखरेलको नेतृत्वमा चलिरहेको छ ।
केही दिन अगाडी लुम्बिनी प्रदेशमा पनि एमाले नेता शंकर पोखरेल नेतृत्वको सरकार ढलेर माओवादीको नेतृत्वमा सरकार गठन भएको थियो । लुम्बिनीमा माओवादी र काँग्रेसले आलोपालो गरेर सरकार चलाउने सहमति भइसकेको छ ।
प्रतिक्रिया दिनुहोस्
