तालिबानी लडाकु अफगानिस्तानको राजधानी काबुल छिर्न थालेपछि अमेरिकी दूतावासका कर्मचारीहरू महत्त्वपूर्ण र गोप्य कागजातहरू जलाउन शुरू गरेका छन् ।
दूतावासबाट धुँवा आइरहेको प्रत्यक्षदर्शीहरूले स्काईन्यूजलाई बताएको त्यहाँ रहेका पत्रकार अमेर खानले ट्वीटरमार्फत जानकारी दिएका छन् ।
तालिबानले आक्रमण नगर्दै दूतावासबाट धुँवा आउनुले दूतावासले महत्त्वपूर्ण कागज जलाइरहेको हुन सक्ने अनुमान लगाइएको छ ।
तालिबान काबुल छिरिसकेको भएपनि अहिलेसम्म भीडन्त भने भएको छैन । आफूले बिना कुनै भीडन्त काबुल कब्जामा लिने तालिबानले विज्ञप्तिमार्फत जनाएको छ ।
राष्ट्रपति कार्यालयले भने सुरक्षा स्थिति सामान्य रहेको जनाएको छ ।