काठमाडौँ । नेपाल विद्युत प्राधिकरणको कार्यकारी निर्देशकमा आफूलाई नै दाबी गर्दै कुलामानको नियुक्ति ‘बदर गरिपाउँ’ भन्दै दायर भएको हितेन्द्र शाक्यको रिटमा आज सुनुवाई हुने भएको छ ।
उक्त रिट न्यायाधीश कुमार रेग्मीको इजलासमा हुनेछ ।
उनले आफूलाई विद्युत प्राधिकरणको कार्यकारी निर्देशकबाट हटाइएको आधिकारिक पत्र नआएको पनि रिटमा उल्लेख गरेका छन् । कुलमान घिसिङलाई कार्यकारी प्रमुखमा ल्याएर सरकारले आफ्नो अधिकार हनन् गरेको उनले निवेदनमा दावी गरेका छन् ।
प्रधानमन्त्री शेरबहादुर देउवा नेतृत्वको सरकारले नेपाल विद्युत प्राधिकरणको कार्यकारी निर्देशकबाट हितेन्द्र शाक्यलाई हटाएर कुलमान घिसीङलाई नियुक्त गरेको थियो ।