sutra news logo

बुधवार, कार्तिक १० गते २०७८

images

एमाले बैठक- विधान महाधिवेशनमा पेस गर्ने बिभिन्न तीन प्रतिवेदन पेश, तेस्रो धारका नेताको असन्तुष्टि

एमाले बैठक- विधान महाधिवेशनमा पेस गर्ने बिभिन्न तीन प्रतिवेदन पेश, तेस्रो धारका नेताको असन्तुष्टि

images

सूत्र न्यूज

८ आश्विन २०७८
  • 234
    SHARES
  • एमाले बैठक-  विधान महाधिवेशनमा पेस गर्ने बिभिन्न तीन प्रतिवेदन पेश, तेस्रो धारका नेताको असन्तुष्टि
    images

    नेकपा (एमाले) को केन्द्रीय समिति बैठकमा विधान महाधिवेशनमा पेस गर्ने बिभिन्न तीन प्रतिवेदन पेश भएको छ ।

    images

    ललितपुरस्थित तुल्सीलाल प्रतिष्ठानमा बसेको बैठकमा राजनीतिक प्रतिवेदन, सांगठानिक प्रतिवेदन र विधान संशोधन प्रस्ताव प्रतिवेदन पेश भएको हो । यसअघि तीनवटै प्रतिवेदन सुझाव समिति स्थायी कमिटी बैठकबाट पारित भएको थियो । प्रतिवेदनमाथि छलफल गर्न १० वटा टोली बनाइएको छ जसमा सातवटा भौगोलिक समूह, जनसंगठनलाई हेर्ने प्रदेश, बिभागीय प्रदेश र बिशेष प्रदेश समूह रहेका छन् ।

    शनिबार बस्ने एमाले केन्द्रीय समिति बैठकमा समूहगत छलफलको निष्कर्ष पेश गर्ने र पारित गर्ने एमाले प्रचार विभाग प्रमुख योगेश भट्टराईले जानकारी दिए । उनले पार्टीमा लामो समयदेखि उत्पन्न जटिलता हल हुन केहि समय लाग्ने र १० बुदे समझादारीलाई पूर्णरुपमा कार्यान्वयनको बाटोमा पार्टी उन्मुख रहेको बताए ।

    त्यसअघि बैठकलाई सम्बोधन गर्दै अध्यक्ष केपी शर्मा ओलीले विधान महाधिवेशनलाई व्यवस्थित, एकताबद्ध र मर्यादितरुपमा सम्पन्न गर्नुपर्ने बताए । ओलीले बिभिन्न प्रतिवेदनमाथि गहिरोमा पुगेर छलफल गरेर उपयुक्त निष्कर्ष निकाल्नुपर्ने धारणा राखे । उनले आगामी मङ्सिरमा हुने पार्टीको दशौँ राष्ट्रिय महाधिवेशन त्यसपछि तोकिने स्थानीय निर्वाचनको तयारीमा जुट्न आवश्यक रहेको बताए ।

    एमालेको विधान महाधिवेशन आगामी असोज १५ देखि १७ सम्म ललितपुरको गोदावरीमा हुँदैछ । त्यसको तयारी स्वरुप एमालेले बिभिन्न प्रतिवेदनमाथिको छलफललाई तीव्रता दिएको हो ।


    प्रकाशित :आश्विन ८, २०७८ शुक्रवार - १६:०५:३२

    प्रतिक्रिया


    ताजा अपडेट

    images
    विचार सबै
    अन्य समाचार

    Copyright © All right reserved - Sutra Media P. LTD.