Logo

बिहिवार, कार्तिक १३ गते २०७७

हाम्रो टिम

हाम्रो टिम


कोभिड–१९ र लकडाउनका कारण बढेको सूचना र सञ्चारको महत्वलाई मध्यनजर गर्दै सुरु भएको अनलाइन समाचार पोर्टल हो, सूत्रन्यूजडटकम । सूत्र मिडिया प्रालिद्वारा सञ्चालित यो पोर्टलले समसामयिक विषयमा खोजमूलक र विश्लेषणात्मक समाचार सामग्री प्रकाशन–प्रसारणको उद्देश्य राखेको छ । सञ्चार प्रविधिको विकासलाई अधिकतम उपयोग गर्दै यसले मल्टिमिडियामा आधारित सामग्रीलाई प्राथमिकता दिनेछ ।

सीताराम बराल, सम्पादक
राजनीतिशास्त्रमा स्‍नातकोत्तर सीताराम बरालले बिसं २०५२ मा युगसम्वाद साप्ताहिबाट पत्रकारिता सुरु गरेका हुन् । त्यसयता उनले जनआस्था साप्ताहिक, समय साप्ताहिक, नेपाल साप्ताहिकमा राजनीतिक, सैनिक, परराष्ट्र मामिला र शाही मामिलाहरुमा रिपोर्टिङ गरे । यसअघि नयाँ पत्रिका दैनिकमा डिजिटल एडिटर रहेका उनी त्यसअघि नेपालखबरडटकमको सम्पादक थिए । 

अनिल यादव, समाचार सम्पादक
२०६४ सालमा मेची टाइम्स दैनिकबाट पत्रकारिता सुरु गरेका अनिल यादव यसअघि शुक्रबार साप्ताहिक, परिवार मासिक, कान्तिपुर साप्ताहिक, नेपाललाइभ डटकम, लिभिङ विथ आइसिटी म्यागाजिनलगायत मिडियामा कार्यरत थिए । त्रिभुवन विश्वविद्यालयमा पत्रकारिता तथा आमसञ्चार विषयमा स्नातकोत्तर गरिरहेका उनी कला/शैली, सामाजिक र सुरक्षा मामिलाका विषयमा कलम चलाउँछन् । 

 

रामकुमार डिसी, विशेष संवाददाता
२०७० देखि पत्रकारितमा प्रवेश गरेका रामकुमार डिसीले यसअघि शुक्रबार साप्ताहिक, परिवार मासिक, सम्पूर्ण साप्ताहिक र नेपाल लाइभ डटकममा काम गरिसकेका छन् । त्रिभुवन विश्वविद्यालयमा पत्रकारिता तथा आमसंचार विषयमा स्नातकोत्तर गरिरहेका उनी राजनीति, कूटनीति र रक्षा मामिलामा रिर्पोटिङ गर्छन् ।

 

मदन चौधरी, डेस्क प्रमुख
विसं २०६५ देखि पत्रकारिता सुरु गरेका मदन चौधरीले करिब एक दशक नागरिक दैनिकको अनलाइन संस्करण नागरिकन्युज डटकममा काम गरेका थिए । यसअघि नेपालन्युज डटकममा काम गरेका उनी समसमायिक विषयसँगै मल्टिमिडियामा रुचि राख्छन् ।

 

रमेश दवाडी, डेस्क सहायक
२०७० बाट पत्रकारिता सुरु गरेका रमेश दवाडीले नयाँ पत्रिका दैनिक, फरकधार डटकम र जनता टेलिभिजनमा काम गरिसकेका छन् ।  त्रिभुवन विश्वविद्यालयबाट आम सञ्चार तथा पत्रकारितामा स्‍नातक र नेपालीमा स्‍नातकोत्तर गरेका दवाडी राजनीतिक, सामाजिक विषयमा रिर्पोटिङका साथै समाचार सम्पादनमा पनि रूचि राख्छन् ।

 

समर्पण श्री, वरिष्ठ संवाददाता
सामाजिक विषयमा कलम चलाउने समर्पण श्री साहित्य, कला तथा राजनितिमा रुचि राख्छन् । सामाजिक अध्ययनमा स्‍नातक गरेका उनी साहित्य, समाजसँगै शिक्षा, स्वास्थ्य लगायतका विषयमा रिपोर्टिङ गर्छन् । यसअघि उनले कान्तिपुर साप्ताहिक र नेपाल लाइभ डटकममा काम गरिसकेका छन् ।

 

 

 

 

सुमित्रा कार्की, संवाददाता
आर्थिक बिषयमा कलम चलाउने सुमित्रा कार्की विगत दुई वर्षदेखि पत्रकारितामा सक्रिय छिन् । यसअघि नेपालीपैसा डटकममा कार्यरत उनी आर्थिक विषयको पनि बैंक तथा वित्तिय क्षेत्रमा बढी रुचि राख्छिन् ।  

 

 

सेरफ मोक्तान, संवाददाता
त्रिभुवन विश्वविद्यालयमा पत्रकारिता तथा आमसंचार विषयमा स्नातकोत्तर गरिरहेका सेरफ मोक्तान खेलकुद विषयमा रिर्पोटिङ गर्छन् । उनको कला­/शैली तथा सामाजिक विषयमा समेत रुची छ ।

 

 

सन्दीप आचार्य, फोटो पत्रकार
फोटो-भिडियो स्टोरीहरुमा रुचि राख्ने सन्दीप आचार्य यसअघि केन्द्रविन्दु डटकममा कार्यरत थिए । उनी करिब डेढ वर्षदेखि सूत्र मिडियासँग जोडिएका छन् । 

 

 

विकास अर्याल, फोटो पत्रकार
विकास अर्याल सूत्र मिडियाका लागि फोटो तथा भिडियो सामग्री उत्पादन गर्छन् । 

 

 

 

 

 

श्रुती योगी, लेखा/प्रशासन
सूत्रन्यूज डटकमको लेखा/प्रशासन विभागमा कार्यरत छिन्, श्रुती योगी ।

 

 

 

 

 

Copyright © All right reserved - Sutra Media P. LTD.