बलिउड अभिनेत्री कट्रिना कैफ र अभिनेता विक्की कौशलको बिहे हुँदैछ । रिपोर्टका अनुसार ७ देखि ९ डिसेम्बरमा राजस्थानको सवाइ माधोवपुरको सिक्स सेंसेज फोर्ट बारवरा रिसोर्टमा उनीहरुको बिहे हुनेछ । दुवैको टिम बिहेको तयारी अगाडि बढाउनको लागि जयपुर पुगिसकेका छन् । बिहेमा केवल नजिकका मित्र र आफन्तहरु सहभागी हुनेछन् ।
रिपोर्टका अनुसार अभिनेता सलमान खान आफ्नो परिवारसहित यो बिहेमा सहभागी हुने छैनन् । कट्रिना र विक्कीको बिहे उनी छोड्न सक्छन् । बिहेको पहिलो निम्ता सलमान खान र उनको परिवारलाई पठाइएको पनि चर्चा छ । कट्रिनाको सलमानको परिवारसँग सम्बन्ध छ भन्ने सबैलाई थाहा छ । तर, सलमान किन सहभागी नहुने हुन् भन्ने स्पष्ट खुलाइएको छैन ।
यसअघि सलमानले कट्रिनाको बिहेका लागि टाइगर ३ को सुटिङ रोकेका थिए । फिल्ममा सलमानसँगै मुख्य भूमिकामा कट्रिना पनि छिन् । कट्रिनाको बिहेमा करण जौहर, कियारा आडवाणी, सिद्धार्थ मल्होत्रा, मिनी माथुर, रोहित शेट्टी लगायत सहभागी हुँदैछन् । बरुण धवन र नताशा दलाल पनि सहभागी हुन सक्छन् । डिसीनेपाल
