भारतको राजधानी नयाँ दिल्ली यतिबेला विश्वकै सबैभन्दा बढी प्रदुषणयुक्त शहर बनेको छ । प्रदुषणका बारेमा अपडेट दिने संस्था आइक्यु एयरका अनुसार दिल्लीको एयर क्वालिटी इन्डेक्स अहिले ५ सय ५६ छ ।
आइक्यु एयर स्वीजरल्याण्डस्थित एक क्लाइमेट ग्रुप हो जसले संयुक्त राष्ट्रसंघको वातावरणीय कार्यक्रममा समेत सहभागिता जनाउने गर्छ ।
प्रत्येक वर्षको यही समयमा दिल्ली संसारको सबैभन्दा बढी प्रदुषित शहर हुने गर्छ । एयर क्वालिटी इन्डेक्स ५ सय भन्दा बढी हुनु निकै खतरनाक मानिन्छ । दिल्लीका बासिन्दा यतिबेला निकै खतरनाक स्थितिबाट गुज्रिरहेका छन् ।
विश्वभरि १० प्रदुषित शहरको नामभित्र भारतका ३ शहर पर्छन् । आइक्यु एयरका अनुसार विश्वका दश प्रदुषित शहर यी हुन् ।
- दिल्ली, भारत (५५६)
- लाहोर, पाकिस्तान (३५४)
- सोफिया, बुल्गेरिया (१७८)
- कलकत्ता, भारत (१७७)
- जग्रेब, क्रोएसिया (१७३)
- मुम्बई, भारत (१६९)
- बेलग्रेड, सर्बिया (१६५)
- छेंग्दु, चीन (१६५)
- सकोज, उत्तर मेसेडोनिया (१६४)
- कराको, पोल्याण्ड (१६०)
प्रतिक्रिया दिनुहोस्
