काठमाडौँ । प्रमुख प्रतिपक्षी दल नेकपा एमालेले काँग्रेसले एक्लै चुनाव लड्न नसक्ने बताएका छन् । बुधबार एक कार्यक्रममा बोल्दै उनले नेपाली काँग्रेस एक्लै चुनाव लड्न नसक्ने बताएका हुन् ।
ओलीले काँग्रेस बुढो भएको भन्दै अब कसैसंग लड्न नसक्ने टिप्पणी गरे । पार्टी प्रवेश कार्यक्रममा बोल्दै उनले भने, ‘कसैसँग दम छ ? पुरानो नेपाली कांग्रेसलाई सोध्न चाहन्छौं एक्लै लडने दम छ? हिजोको कांग्रेस होइन अब बुढो भइसक्यो।’
त्यस्तै उनले काँग्रेस अब प्रचण्डले जे भन्यो त्यहि कुरा मान्ने पार्टी भइसकेको टिप्पणी गरे ।
उनले आफू सरकारमा रहंदा सम्पन्न भएका कामहरुलाई देखाएर अहिले शेरबहादुर देउवा नेतृत्वको सरकारले जस लिन खोजेको आरोपसमेत लगाएका छन् ।
उनले नेपाल तीव्र ढंगले विकास गर्ने विश्वका १० देशको सूचीमा परेको प्रसङ्गलाई उल्लेख गर्दै अहिलेको गठबन्धनलाई त्यो मन नपरेको बताए ।
