काठमाडौँ । नेपाल बार एसोसियसनले सर्वोच्च अदालतमा भएको प्रहरी हस्तक्षेपलाई लिएर अन्तर्राष्ट्रिय समुदाय गुहारेको छ ।
बिहीवार अदालतमा धर्नामा बसेका बारका अध्यक्ष तथा वरिष्ठ अधिवक्तालगायतका केही कानून व्यवसायीहरू प्रहरीको हस्तक्षेपमा परेर घाइते भएपछि आकस्मिक पत्रकार सम्मेलन गर्दै बारले निष्पक्ष छानबिनका लागि आग्रह गरेको हो ।
बारका उपाध्यक्ष ईश्वरी भट्टराईले आकस्मिक पत्रकार सम्मेलन गर्दै यस्तो आग्रह गरेका हुन् ।
बारले अदालत प्रशासनले दंगा प्रहरीद्वारा बर्बरतापूर्वक आक्रमण युद्धको बेला प्रयोग गरिने हतियारधारी प्रहरी प्रवेश गराएर युद्ध मैदान बनाउन अनुमति दिएको आरोप लगाएको छ ।
यस्तै बारले प्रधानन्यायाधीश चोलेन्द्र शमशेर जबराले राजीनामा नदिएसम्म आन्सोलन नरोकिने स्पष्ट पारेको छ ।