पोखराको फेवाताल किनाराका केही रेस्टुरेन्टमा आगलागी हुँदा करोडौंको भौतिक क्षति भएको छ । स्थानीयका अनुसार सोमवार बिहान तीन बजेतिर ताल किनारका पहारीघात भल्छो पुवा क्षेत्रमा रहेको एउटा रेस्टुरेन्टमा आगो लागेको थियो ।
समयमै नियन्त्रण नहुँदा उक्त आगो फैलिएर अन्य ६ वटा रेस्टुरेन्टमा पुग्यो । आगो ग्यास सिलिन्डर पड्किएका कारण लागेको स्थानीयले जनाएका छन् ।
आगलागीबाट मानवीय क्षति भने भएको छैन । तर ६ वटा रेस्टुरेन्ट जल्दा करोडौंको क्षति भएको बताइएको छ ।
आगो निभाउन बिहानैदेखि स्थानीय, प्रहरी र सेना जुटेका थिए । यो समाचार तयार पार्दासम्म आगो भने पूर्णरूपमा नियन्त्रणमा आइसकेको छ ।
आगो निभाउन दमकलसमेत समयमा पुग्न सकेको थिएन । दमकल जाने बाटो नभएकाले टाढैबाट पानीको फोहोरा फ्याँकिएको थियो ।
आगलागीबाट भएको क्षतिको यकीन विवरण भने आउन अझै बाँकी छ ।