नेकपा एकीकृत समाजवादी पार्टीका अध्यक्ष माधवकुमार नेपालले निर्वाचनपछि एमालेको अवस्था बिजोग हुने टिप्पणी गरेका छन् ।
बुधवार जनकपुरधाममा आफ्नो पार्टी कार्यालयको उद्घाटन गर्ने क्रममा अध्यक्ष नेपालले आगामी निर्वाचनपछि एमाले चोइटिएर जाने भन्दै कडा टिप्पणी गरेका हुन् । उनले आफूहरू एमालेभन्दा कमजोर नरहेको बताए ।
‘निर्वाचनपछि एमालेको अवस्था विचरा, बिजोग र बेहाल हुनेवाला छ,’ सञ्चारकर्मीसँग कुरा गर्दै अध्यक्ष नेपालले भने, ‘हामी एमालेभन्दा कमजोर छैनौं । सातमध्ये दुई प्रदेशमा हाम्रो पार्टीका मुख्यमन्त्री छन् । कर्णालीमा एमालेलाई धुलो चटाएका छौं । हाम्रो शक्ति देखेर एमालेका अध्यक्ष ओली आत्तिएका छन् ।’
उनले ओली आत्तिएर अन्टसन्ट बोलिरहेको बताए । ‘नेकपा एसको शक्ति देखेर ओली आत्तिएका छन् । गाली गलौजमा उत्रिएका छन्,’ उनले भने ।
प्रतिक्रिया दिनुहोस्
