नेपाली बजारमा केहि दिन यता सुनको मूल्य निरन्तर ओरालो लागिरहेको छ । ३ दिन अघि एकैपटक प्रतितोला १६ सय रुपैयाँले घटेको सुनको मूल्य त्यसयता घट्दै आएको छ ।
बुधबार ५ सय रुपैयाँले घटेको सुन आज विहिबार पनि थप १ सय रुपैयाँले घटेको छ ।
नेपाल सुनचाँदी ब्यवसाय महासंघका अनुसार आज छापावाला सुनको मूल्य प्रतितोला ९१ हजार ७ सय रुपैयाँ र तेजावी सुनको मूल्य ९१ हजार २ सय रुपैयाँमा कारोबार भइरहेको छ ।
हिजो भने छापावाला सुनको मूल्य प्रतितोला ९१ हजार ८ सय रुपैयाँ र तेजावी सुनको मूल्य प्रतितोला ९१ हजार ३ सय रुपैयाँ कायम गरिएको थियो ।
त्यस्तै, बुधबार प्रतितोला १ हजार २२५ रुपैयाँमा कारोबार भइरहेको चाँदी बिहिबार भने तोलामा ५ रुपैयाँले बढेर प्रतितोला १ हजार २३० रुपैयाँमा कारोबार भइरहेको महासंघले जनाएको छ ।
प्रतिक्रिया दिनुहोस्
