द ब्रिटिस कलेज (टीबीसी) को सातौँ दीक्षान्त समारोह सम्पन्न भएको छ । ब्रिटिस एजुकेसन ग्रुपअन्तर्गतको टीबीसीमा लिड्स बेकेट युनिभर्सिटी (एलबीयू) तथा द युनिभर्सिटी अफ वेस्ट इङ्ल्याण्ड (यूडब्लूई)को सम्बन्धनमा अध्ययनरत विद्यार्थीहरू दीक्षित भएका हुन् ।
कोरोना महामारीका कारण गत वर्षको दीक्षान्त समारोह भर्चुअल्ली सम्पन्न भए पनि यस वर्ष भने कोरोना संक्रमण केही नियन्त्रणमा रहेको हुँदा भौतिक उपस्थितिमै कार्यक्रम आयोजना गरिएको हो ।
समारोहमा स्नातक तथा स्नातकोत्तर तहका गरी जम्मा ४ सय १९ जना विद्यार्थीहरू दीक्षित भएको कलेजले जनाएको छ ।
कोरोनाकै कारण उपस्थित हुन नसकेका कलेजका सल्लाहकारहरू जोन एडवर्ड होलिस्टर मोन्टागु, माइकल रुटल्याण्ड, प्रोफेसर फर्गस लियोनलगायतले दीक्षान्त समारोहलाई भर्चुअल्ली सम्बोधन गरेका थिए ।
प्रतिक्रिया दिनुहोस्
