प्रधानमन्त्री शेरबहादुर देउवाले प्रधानन्यायाधीश चोलेन्द्र शमसेर जबराका विषयमा देखिएको समस्या समाधानका लागि सत्तारुढ गठबन्धनसँग छलफल गरेर छिट्टै निष्कर्ष निकाल्ने बताएका छन् । नेपाल बार एशोसिएसनका पदाधिकारीहरुसँग आज भएको छलफलमा प्रधानमन्त्री देउवाले प्रधानन्यायाधीश एवं न्यायलयमा देखिएको समस्या समाधान हुनेगरि सबैसँग समन्वय गरेर छिटै निष्कर्ष निकाल्ने बताउका हुन् ।
बैठकको सुरूमा बारका पदाधिकारीले न्यायालयभित्रको अवस्था, जारी आन्दोलन र प्रधान्यायाधीशको बहिर्गमनको विषयमा कुरा उठाएका थिए ।
जवाफमा प्रधानमन्त्री देउवाले न्यायालयबारे जारी आन्दोलनबारे आफू अपडेट रहेको भन्दै छिट्टै निकास खोज्ने बताए । ‘मैले न्यायालयमा देखिएको समस्यालाई बुझेको छु । सबैसँग छलफल गरेर छिट्टै निष्कर्षमा पुग्नुपर्छ ।
छलफलमा सहभागि बारका एक प्रतिनिधिका अनुसार राजीनामा दिन अस्वीकार गरेका प्रधान्यायाधीश राणालाई महाभियोग लगाउनुपर्ने प्रधानमन्त्री देउवासँग प्रस्ताव गरिएको थियो । देउवाले प्रतिक्रियामा प्रस्तावलाई गम्भिर रुपमा लिएको बताए ।
प्रधानमन्त्री देउवाले नेकपा एमालेको महाधिवेशनको उद्घाटन सत्रमा सहभागी हुन चितवन जानुपर्ने भएकाले छलफल छोट्याएका थिए ।
