उत्तर कोरियाका शासक किम जोङ उनले आफ्ना देशका नागरिकलाई छालाको ज्याकेट लगाउन प्रतिबन्ध लगाएका छन् ।
आफूले लगाउने गरेको छालाको ज्याकेट अरू नागरिकले पनि लगाएको पाइएपछि उनले छालाको ज्याकेट नै लगाउन नपाउने नियम ल्याएको अन्तर्राष्ट्रिय सञ्चारमाध्यमहरूले जनाएका छन् ।
डेली मेलमा प्रकाशित एक समाचारका अनुसार उत्तर कोरियाका शासक किमले छालाको ज्याकेट लगाउन थालेपछि धेरैले त्यस्तै लगाउन थालेका थिए । सन् २०१९ मा पहिलोपटक किम छालाको ज्याकेटमा देखिएका थिए । उनी यो ज्याकेटसहित राष्ट्रिय टेलिभिजनमा देखिएका थिए ।
त्यसपछि उत्तर कोरियामा किमकै स्टाइलमा छालाको ज्याकेट बढी प्रयोग गर्नेहरू निस्के । ज्याकेटको माग बढ्यो । विदेशबाट आयात बढ्न लाग्यो ।
तर अहिले किमले उक्त ज्याकेटको आयातमा प्रतिबन्ध लगाएका छन् र आफ्ना नागरिकलाई आफ्नो स्टाइल कपी नगर्न उर्दी जारी गरेका छन् ।
प्रतिक्रिया दिनुहोस्
